بعد “ليلة أمل”.. ريما الرحباني لأسامة الرحباني: “تحط نفسك في مواقف بايخة”!

انتقدت “ريما الرحباني” ابنة الفنانة اللبنانية “فيروز” حفل “ليلة أمل” الذي نظمه ابن عمها الفنان “أسامة الرحباني”، وشاركت فيه الفنانة “هبة طوجي” والفنانة “إليسا” من خلال منشور طويل، نشرته عبر حسابها الخاص على “فيسبوك”.

وعلّقت “ريما” على مشاركة “إليسا” وأدائها لأغنية “حنا السكران” بعد تغييرها بعض كلمات الاغنية، معتبرةً أن إليسا مجرد ضحية، وأن “أسامة” هو المجرم واصفةً إياه بالطبل: “الحق مش ع إليسا، وإليسا باللي صار ضحية مش مجرمة، المجرم الأول والأخير هوي الطبل اللي داير إليسا والتوابع ومعتقد حالو بيحقلو يتصرف ويأذن للفنانين يغنوا أغاني فيروز”.

واعتبرت “ريما” أن قيام “زياد الرحباني” بإعادة بعض الأغاني الخاصة بفيروز، هو ما دفع “أسامة” للقيام بنفس الخطوة خاصةً وأنه يعتبر نفسه عبقري ووريث، قائلةً: “ومعتقد يحق له يشوه ويبهدل هالإرث براحتو بدون حسيب ولا رقيب، وهالشي كله فقط لأن عبقري متل زياد أعاد بعض الأغاني!، فاعتقد الطبل إنو هو كمان عبقري ووريث وبدو يعيد ونفس الأغاني”.

وأضافت “الرحباني”: “كما وإني كنت أكيدة انو إستقواء اليسا بالمرات السابقة كان مدعوم بأذونات الطبل اللي قاعد ع المسرح! بس قد ما ذكي فضح حالو وقطع الشك باليقين!، بس معليش إلا ما يصير في دولة وحبوسة فهيدا الموضوع ما رح فوت فيه هلق”.

وكونه في هذه الليلة أراد “أسامة” تقديم تحية للراحل “الياس الرحباني” بغناء اليسا وهبة بالحفل قالت “اللي بده يعمل تحية ولو كذابية لعمو أقله يحترمله ألحانه ويحترم ورثته خاصة اذا كان عارف ومأكّد إنو الورثة ما بيريدوا هالأغاني بالذات تنعاد ورثة الياس، واذا بتمرق ع بعض الناس إنو هاي فعلاً تحية ما بتمرق ع كل الناس إنها كذابية”.

وتابعت: “عدا عن إنو ما بفهم كيف ممكن واحد يعمل حفلة كلا نشاز! بهالوقاحة، شو ما شاطر يتفلسف إلا ع الهواة؟ ومصدق حاله ونازل فيهن بهدلة إنو هوي يابا شي كتير مهم وعبقري، وديكتاتور ومتطلب وقاسي ومش سهل الرضى أبداً، كيف بيوقف الشخص كيف بيحرك إيدو كيف بتحرك الراس وين بيلتفت أيمتى بيلتفت، كل شاردة وواردة بدو يكون راضي عنا… وما بيعجبو العجب! والله العظيم تحط نفسك في مواقف بايخة”.

واختتمت “ريما” بأن هذا الحفل ليست تحية للعمالقة، بل إهانة لأعمال عاصي ومنصور وإلياس، مؤكدةً “في عاصي الرحباني واحد مافي غيرو، ولبعد ألف سنة مابيجي غيرو”.