رنا الحريري في أول تعليق لها على انفصالها عن باسم ياخور
في أول رد لها، علقت الكاتبة السورية “رنا الحريري”، على خبر طلاقها من زوجها الفنان السوري باسم ياخور، بعد أن ضجت به صفحات السوشيل ميديا والمواقع الفنية.
حيث نشرت الحريري قبل قليل ستوري عبر حسابها الرسمي على انستغرام وجاء فيها: “لأني بعرف أنو حياتي الخاصة صارت فجأة محور اهتمام، اسمحولي حول اهتمامكم للمكان الصح والأفضل، لقضايا أهم بكتير مني ومن حياتي، لقضايا لازم كلكم تحكوا فيها لانها فعلاً بحاجة لاصواتهم واهتمامكم ولكل التغطية الإعلامية الممكنة”.
وتابعت الحريري: “عن كل المرضى والأشخاص اللي بعانوا من مشاكل صحية، ومو قادرين يدفعوا تكاليف علاجهم وبحاجة مساعدة مالية،وشو الحل بالنسبة الهم، عن كل العاطلين عن العمل وأصحاب الدخل المحدود اللي عم يحاولوا يلاقوا فرصة دون جدوى، أو يلي عم يشتغل ومقابل رواتب ما بتكفي لتغطية مصاريف عدة أيام بالشهر”، متسائلة “هدول الأشخاص كيف بدهم يعيشوا؟”.
كما قالت: “عن ارتفاع الأسعار بشكل لا يتناسب مع دخل الناس، عن كبار السن والمتقاعدين وأوضاعهم، عن الأيتام وشو عم يصير فيهم؟”.
وأعربت خلال حديثها عن امتنانها لمن يبعث لها برسالة محبة ونابعة عن اهتمامه، وعن حبه الصادق، حيث قالت ” أنا ممتنة فعلاً لاهتمامكم ولكل رسالة وكلمة حلوة ولكل نصيحة، وبقدر طمنكم عني موضوع زواجي ما رح يغير شي بحياتي”.
واختتمت حديثها: ” أنا بخير وحياتي رح تستمر بكل الاحوال، بس في ناس غيري مو بخير وبحاجة مساعدتكم”.
يذكر أنّ رنا تزوجت من الفنان السوري وأنجبت منه ولدهما الوحيد “روي”.
